独家丨75岁秦煌有相差30岁深圳爱人，误爆李龙基绝密情史

林伟早前在社交网分享跟75岁秦煌(梁日成)食tea片段，坐轮椅的后者被指有好大浸“老煌味”，林伟提醒他记得返去冲凉，更指向秦煌说：“无人触摸似废堆”，令人感慨！育有3子一女的秦煌，多年来跟家人关系疏离，更向《头条日报(Daily)》自爆，21年前已搬往深圳居住，由相差30年的“情人知己”照顾起居，即使返港搵食，只会租住青衣Apartment独居。另外，入行47年的秦煌跟唔少巨星合作过，大赞跟他同姓的“影帝”梁朝伟最有义气，更唔觉意爆埋近期“花生友”至爱，老友李龙基的绝密情史。

去年8月，秦煌完约，无声无色离开效力44年的TVB，他相信是TVB新国策，冇得留底跟他健康(Health)冇关，亦唔会嬲，反正外面仲有嘢做，悭住使都勉强够。虽然依家要扶住行，但强调健康(Health)好咗好多：“我都ok行得好咗，呢度清静空气又好，你睇我冇乜老态个样都精神啦，但我唔跌得，所以太攰会坐轮椅。”秦煌每隔4个月覆诊一次，攞去水丸、降血压药等，他坚持：“医生(Doctor)冇要求我再减肥，我都瘦咗几十磅啦，减得太多会皱皮，点出嚟搵食呀？”

▲75岁的秦煌承认跟家人冇乜两句。

为子女冇离婚

对于林伟的“孤独论”，秦煌说得淡然：“子女各有家庭，大家安定就好，关系可以话ok又唔ok，虽然财政有啲窄窄地，但唔会靠佢哋养，最多叫个女帮我上网买少少嘢。”检视跟家人疏离的原因，秦煌坦言自己沟通出错在先，以为将个家交托畀太太(已故商台DJ莫佩雯)，子女年少时，用物质满足就够，唔会太关心佢哋嘅生活(Life)：“我性格系咁，拍完戏就去潜水…我同太太喺唔了解下结婚，到好了解时分开，所以生前佢对我有好多不满，21年前索性搬去深圳，住喺朋友(Friend)附近，但为咗子女冇离婚，后来结识情人知己，佢帮我洗衫煮饭。”

基哥爱爷孙恋

否认风流的秦煌对身边妇人赞不绝口：“内地妇人同港女性格好唔同，唔会第一时间问你有冇钱？有几多物业？当年佢只得20几岁，但我经已50几岁，所以曾叫过佢走，哈！但我赶佢都唔走，佢仲储起买菜嘅‘打斧头’钱，加埋我畀佢嗰几十万，喺佢家乡湖南买埋楼，第日我做完嘢返深圳定居，佢会坐高铁过来。”提到内地楼，秦煌即联想到呢排好头痕的老友李龙基：“佢用80万购入福田1300呎物业时，我曾去参观，当时佢个女友都系好后生，我仲以为同依家嗰个系同一个人，点知发觉唔同样，哈哈…(都系爷孙恋)冇物业边有香港女仔睬你呀？”

伟仔送花问候

秦煌又大谈和梁朝伟的渊源：“佢喺训练班实习时演酒店侍应，试过唔小心跣手将杯内牛奶倒到我一身都系，当时佢好惊，我反过来安慰佢‘唔系有心，唔会闹你’，之后拍《大运河》开始friend咗，后期拍《倚天屠龙记》时佢已剧接剧冇时停，睇见佢冇得唞都心痛。”他又指伟仔有少爷仔脾性，搵到钱就钟意使钱：“佢唔会去平民酒楼食饭，当年饮餐茶花千几蚊，就算红咗嘅发哥都踎大排档啦。”伟仔对秦煌好好，食饭会畀埋佢份钱，2008年秦煌在长洲乘船时跌倒堕海送院，伟仔署名Tony Leung送上花篮问候：“我唔知佢叫Tony Leung，系啲姑娘话返我知，个个都好兴奋(Excited)咁同花篮打卡”。

▲秦煌、林伟住得好近。

至于《踩过界》中的“阿女”蔡思贝，秦煌赞她一点就明。对于“阿女”曾经绯闻缠身，秦煌即帮口：“咁女仔唔使识男仔？佢鬼妹嚟嘛！(尤其跟人夫王浩信扯上关系?)咁梗系要怪个男人媾女啦！”另外，他又爆黄日华以前花名叫“喷火华”，经常和导演嗌交：“佢性格系咁真系冇得改，连踢波都会踢人系咪喷火呢？”而合作过《鹿鼎记1998》的陈小春都系义气仔女：“我朋友(Friend)搵佢唱歌，点知佢回电劈头就问‘话我听系咪有人恰你？我同你搞掂佢！’”

以上内容归星岛新闻(News)集团所有，未经许可不得擅自转载引用。